Uz / Ўз Ru En

Toshkent

26/Sentabr/2021   Saylov - 2021

Germaniya, Shvetsiya, Shveysariya va Chexiyadagi vatandoshlar O‘zbekiston Prezidenti saylovida faol qatnashishga daʼvat etilmoqda

BERLIN, 26 sentyabr. /“Dunyo” AA/. Joriy yil 24 oktyabr kuni bo‘lib o‘tadigan O‘zbekiston Prezidenti sayloviga puxta tayyorgarlik ko‘rish jarayonida mamlakatimizning Germaniyadagi elchixonasi tomonidan ushbu davlat hududida bo‘lib turgan vatandoshlarimiz bilan yaqin aloqa o‘rnatilgan, deb xabar bermoqda “Dunyo” AA muxbiri.


Mamlakatimizning Germaniyadagi elchixonasi va Frankfurt-Mayn shahridagi Bosh konsulxonasi binolarida saylov uchastkalari tashkil qilindi. Saylov jarayonini yuqori saviyada amalga oshirishga alohida eʼtibor qaratilmoqda.

Diplomatiya missiyasi konsullik bo‘limi maʼlumotiga ko‘ra, konsullik ro‘yxatida 4,5 mingga yaqin mamlakatimiz fuqarosi qayd etilgan. Ularning aksariyati Germaniya hududida istiqomat qiladi.

Shu bilan birga, konsullik okrugiga qarashli Shvetsiya, Chexiya va Shveysariyada tahsil olayotgan va mehnat faoliyatini olib borayotgan vatandoshlarimiz ham ushbu saylovda qatnashishga qiziqish bildirmoqda.

Elchixona tomonidan xorijdagi fuqarolarimiz bilan o‘tkazilayotgan uchrashuvlar chog‘ida ular saylov jarayonida faol ishtirok etishga daʼvat etilmoqda.

O‘zbekistonning Germaniyadagi diplomatiya va konsullik muassasalarining rasmiy veb-sayti, ijtimoiy tarmoqlardagi sahifalari, mamlakat ommaviy axborot vositalarida Prezident saylovi haqidagi axborot va maʼlumotlar atroflicha yoritilmoqda.

Mavzuga oid

Oliy sud raisi: Mamlakatimizda saylov q...

Markaziy saylov komissiyasi matbuot markazida O‘zbekiston Oliy sudi raisi Kozimjon Komilov...

Germaniya OAV: O‘zbekiston Germaniya va ...

Germaniyaning iqtisodiy rivojlanish va tashqi savdo federal uyushmasi (BWA) veb-sahifasida...

Vengriyadan munosabat: Yangi O‘zbekiston...

O‘zbekiston Prezidenti saylovida Vengriyadan xalqaro kuzatuvchi ishtirok etgan Budapeshtd...

So`nggi yangiliklar