07/Fevral/2023 Hamkorlik
JAKARTA, 7-fevral. /“Dunyo” AA/. Samarqand viloyati hokimi o‘rinbosari Rustam Qobilov boshchiligidagi delegatsiya aʼzolari Indoneziyaning Jakarta shahrida faoliyat yuritadigan “NET TV” telekanali vakillari bilan uchrashdi, deb xabar qilmoqda “Dunyo” AA muxbiri.
Uchrashuvda Samarqand turizm salohiyatini keng targ‘ib etish orqali mamlakatimizga sayyohlar oqimini oshirish masalalarida hamkorlik qilish, O‘zbekiston va Indoneziyaning ijtimoiy-iqtisodiy hamda turizm sohalaridagi aloqalarini rivojlantirish istiqbollari muhokama qilindi.
Muloqot yakunida “NET TV” telekanali efiriga uzatiladigan “Muslim Travelers” ko‘rsatuvining joriy yil ramazon oyidagi to‘rtta sonini Samarqand ziyorat turizmi salohiyatiga bag‘ishlash yuzasidan kelishib olindi.
