27/Mart/2023 Konstitutsiyaviy islohotlar
NOVOSIBIRSK, 27-mart. /“Dunyo” AA/. O‘zbekistonning Novosibirskdagi Bosh konsulligi tashabbusi bilan mamlakatimizdagi konstitutsiyaviy islohotlarni qo‘llab-quvvatlash maqsadida vatandosh yoshlar o‘rtasida targ‘ibot aksiyasi o‘tkazildi, deb xabar bermoqda “Dunyo” AA muxbiri.
Joriy yilning 30 aprel kuni bo‘lib o‘tadigan referendumni qo‘llab-quvvatlash bo‘yicha «Yangi O‘zbekiston Konstitutsiyasi - mening Konstitutsiyam» “xeshteg”i ostida tashkil etilgan ushbu targ‘ibot aksiyasida Novosibirskdagi oliy taʼlim muasasalarida tahsil olayotgan talabalar - Orifjon Ahmadjonov, Ahrorjon Isroilov, Mashrabjon Mingboyev va Sanjarbek Ergashev ishtirok etishdi.
Unda barcha O‘zbekiston fuqarolari mamlakatimiz taraqqiyoti, aholi farovonligi, yoshlarning porloq kelajagi, inson huquqlarining fundamental asoslari mustahkamlashga hissa qo‘shish uchun 30 aprel kuni bo‘lib o‘tadigan referendumda Konstitutsiyaviy qonun loyihasini qo‘llab-quvvatlab ovoz berish uchun daʼvat etilgan.
