07/Fevral/2023 Sayyohlik
ADU-DABI, 7-fevral. /“Dunyo” AA/. Mamlakatimiz elchixonasi tomonidan Abu-Dabidagi «Canadian International School» xalqaro maktabi bilan hamkorlikda etnografik festival o‘tkazildi, deb xabar bermoqda “Dunyo” AA muxbiri.
Festivalda ushbu maktabda taʼlim olayotgan 35 davlat vakillari o‘z mamlakatlari sayyohlik salohiyati va milliy taomlarini taqdim etdi. Jumladan, vatandoshlarimiz saʼy-harakatlari bilan milliy anʼanalarda bezatilgan O‘zbekiston stendi festival ishtirokchilarida katta qiziqish uyg‘otdi.
Tadbir ishtirokchilariga O‘zbekiston turizm salohiyati haqida so‘zlab berildi, bu haqdagi axborot materiallari tarqatildi hamda milliy dasturxon tuzaldi.
