19/Oktabr/2021 Mustaqillikka 30 yil
TALLINN, 19-oktabr. /«Dunyo» AA/. O‘zbekistonning Latviyadagi elchisi Qadamboy Sultonov Tallinnda Estoniyadagi O‘zbek madaniyat markazi faoli Sur’at Po‘latovga «Xalqlar do‘stligi» ko‘krak nishonini topshirdi, deb xabar bermoqda «Dunyo» AA muxbiri.
Sur’at Po‘latov bunday yuksak e’tiborga sazovor bo‘lish katta sharaf ekanini alohida ta’kidladi hamda Estoniyadagi vatandoshlarni qo‘llab-quvvatlash borasidagi sa’y-harakatlarga o‘z hissasini qo‘shishda davom etishini bildirdi.
- O‘zbekiston rahbariyatiga mehnatimga ko‘rsatilgan bunday yuksak baho uchun chuqur minnatdorlik bildiraman, - dedi u.
