Uz / Ўз Ru En

Toshkent

17/Yanvar/2022   Sport

O‘zbekiston futbol klublarining OCHL-2022/2023 mavsumidagi raqiblari maʼlum bo‘ldi

TOSHKENT, 17 yanvar. /“Dunyo” AA/. Bugun Osiyo futbol konfederatsiyasi (OFK) 2022/2023 yillar mavsumi uchun Osiyo chempionlar ligasi guruh bosqichiga qurʼa tashlash marosimini o‘tkazdi, deb xabar bermoqda “Dunyo” AA muxbiri.


OCHLning joriy mavsumida mamlakatimiz sharafini O‘zbekiston chempioni “Paxtakor” va mamlakat kubogi sohibi Qarshining “Nasaf” futbol klublari himoya qiladi.

Toshkentning “Paxtakor” futbol klubi OCHL-2020/2023 mavsumini to‘g‘ridan-to‘g‘ri guruh bosqichidan boshlaydi. “Nasaf” esa pley-off bosqichida ishtirok etadi.

Qurʼa natijalariga ko‘ra, “Paxtakor” Qatarning «Al Duhail», Eronning “Sepaxon” hamda «Al Taavon» va «Al Jayish» o‘rtasida bo‘lib o‘tadigan pley-off uchrashuvi g‘olibi bilan “D” guruhidan  o‘rin oldi. 

Qarshining “Nasaf”  klubi  pley–off  bosqichida BAAning “Baniyas” jamoasi bilan bahslashadi. Agar ushbu o‘yinda qarshiliklar raqibni  mag‘lub etishsa musobaqaning “E”  kvartetiga joylashadi.

 “Nasaf” OCHLning guruh bosqichiga yo‘llanma beradigan o‘yinni 15 mart kuni “Baniyas” maydonida o‘tkazadi.

Maʼlumot uchun, OCHLning G‘arb mintaqasidagi guruh bosqichi o‘yinlari 7-27 aprel kunlari markazlashgan holda o‘tkaziladi. Nimchorak, chorak, yarim va final uchrashuvlari esa 2023 yil fevral oyida bo‘lib o‘tishi belgilangan.

 

Mavzuga oid

«Samarkand Half Marathon» O‘zbekiston sp...

Samarqand shahrida «Samarkand Half Marathon 2020» doirasida shahar va klublar o‘rtasidagi ...

U19 Osiyo chempionati o‘z vaqtida o‘tadi...

Kuni kecha OFK COVID-19 pandemiyasi sababli to‘xtatilgan qit’a miqyosidagi ba’zi musobaqal...

O‘zbekistoda ommaviy sportni yana-da riv...

O‘zbekiston Respublikasi Prezidenti «Sog‘lom turmush tarzini hayotga keng tatbiq etish va ...

So`nggi yangiliklar