Uz / Ўз Ru En

Toshkent

26/Iyul/2021   Parlament

O‘zbekiston Oliy Majlisi Senatining navbatdagi yalpi majlisi chaqirilmoqda


 TOSHKENT, 26 iyul. /“Dunyo” AA/. O‘zbekiston Oliy Majlisi Senati Kengashi bugungi majlisida parlament yuqori palatasining o‘n yettinchi yalpi majlisini 30 iyul kuni chaqirish to‘g‘risida qaror qabul qilindi, deb xabar qilmoqda “Dunyo” AA muxbiri.

Senat axborot xizmatining maʼlum qilishicha, yalpi majlis  videokonferensaloqa tarzida o‘tkaziladi.

Yalpi majlisda “O‘zbekiston Respublikasi aholisi va hududining seysmik xavfsizligini taʼminlash to‘g‘risida”gi, “Litsenziyalash, ruxsat berish va xabardor qilish tartib-taomillari to‘g‘risida”gi O‘zbekiston Respublikasi Qonuni qabul qilinganligi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish haqida”gi, “Intellektual mulk obyektlarining huquqiy muhofazasi yana-da takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi, “O‘zbekiston Respublikasi Hisob palatasi faoliyati takomillashtirilayotganligi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi, “Zaytun moyi va zaytun mevasi to‘g‘risidagi xalqaro bitimga (Jeneva, 2015 yil 9 oktyabr) O‘zbekiston Respublikasining qo‘shilishi haqida”gi O‘zbekiston Respublikasi qonunlarini muhokama qilish rejalashtirilgan.

Bundan tashqari, “Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar” mavzusidagi xalqaro konferensiya (Toshkent, 2021 yil 15-16 iyul) yakunlaridan kelib chiqadigan vazifalar to‘g‘risidagi masala ko‘rib chiqilishi nazarda tutilgan.

Shu bilan birga, 2017 – 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Yoshlarni qo‘llab-quvvatlash va aholi salomatligini mustahkamlash yili”da amalga oshirishga oid davlat dasturining 2021 yilning birinchi yarim yilligidagi ijrosi bo‘yicha Vazirlar Mahkamasining hisoboti, Ichki ishlar vazirining huquqbuzarliklarning oldini olish va ularning profilaktikasi holati to‘g‘risidagi hamda Ekologiya va atrof-muhitni muhofaza qilish davlat qo‘mitasi raisining davlat o‘rmon fondiga kirmaydigan daraxt va butalarning kesilishiga doir axborotlari eshitilishi rejalashtirilgan. Qolaversa, Boyovut, Qarshi, Bo‘ston, To‘raqo‘rg‘on, Olot tumanlari hamda Kattaqo‘rg‘on shahrini ijtimoiy-iqtisodiy rivojlantirish dasturlari doirasida belgilangan chora-tadbirlar ijrosi, xalq deputatlari mahalliy Kengashlarining ayrim qarorlarini o‘rganish natijalari, qonunlarning ijrosi holati, huquqni qo‘llash amaliyotini o‘rganish va qonunosti hujjatlarining qabul qilinishi yuzasidan amalga oshirilgan monitoring natijalari to‘g‘risidagi masalalar ko‘rib chiqilishi nazarda tutilgan.

Bundan tashqari, aholi murojaatlari bilan ishlash bo‘yicha parlament nazoratini kuchaytirish masalalari ham muhokama qilinishi rejalashtirilgan.

Shuningdek, xalq deputatlari viloyat, tuman, shahar Kengashining namunaviy reglamentini va xalq deputatlari viloyat, tuman, shahar Kengashining doimiy komissiyalari to‘g‘risidagi namunaviy nizomni tasdiqlash, Yoshlarga oid davlat siyosatining hududlarda amalga oshirilishi bo‘yicha reyting tizimini joriy etish, Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasining 2020 yildagi va 2021 yilning birinchi yarim yilligidagi faoliyati to‘g‘risidagi hisoboti va boshqa masalalar ko‘rib chiqilishi nazarda tutilgan.

Mavzuga oid

Oliy Majlis Senati delegatsiyasi Rossiya...

O‘zbekiston Oliy Majlisi Senati delegatsiyasi a’zolari Rossiyaga tashrifi doirasida «COVID...

Oliy Majlis Senati raisi va Indoneziya ...

O‘zbekiston Oliy Majlisi Senati raisi Tanzila Norboyeva bugun Indoneziya parlamenti Vakill...

O‘zbekiston Oliy Majlisi Senati raisinin...

O‘zbekiston Oliy Majlisi Senati raisining birinchi o‘rinbosari Sodiq Safoyev kecha BMT Bos...

So`nggi yangiliklar