Uz / Ўз Ru En

Toshkent

06/Dekabr/2022   Prezident

O‘zbekiston Prezidenti notarial jarayonlarda aholiga qulayliklarni oshirishga oid taqdimot bilan tanishdi

TOSHKENT, 6-dekabr. /“Dunyo” AA/. Prezident Shavkat Mirziyoyev notarial jarayonlarda aholiga qulayliklarni oshirishga oid taqdimot bilan tanishdi, deb xabar qilmoqda “Dunyo” AA muxbiri davlatimiz rahbari matbuot xizmati maʼlumotiga tayanib.


Bugungi kunda notariuslarda davlat boji stavkalari juda ko‘p toifalarga ajratilgani sababli ularni hisoblashda noqulayliklar tug‘ilmoqda. Xususan, avtomototransport vositalari bilan bog‘liq shartnomalarni tasdiqlash uchun davlat boji 12 ta, ko‘chmas mulk, garov, ipoteka va lizing shartnomalari bo‘yicha 6 ta toifaga bo‘lingan.

Shu bois davlatimiz rahbari notarial harakatlar tizimini soddalashtirish va aholiga qulayliklarni oshirish vazifasini qo‘ygan edi. Shunga asosan, “Davlat boji to‘g‘risida”gi qonuniga o‘zgartish va qo‘shimchalar kiritish bo‘yicha qonun loyihasi ishlab chiqildi. Unga ko‘ra, notarial harakatlar uchun undiriladigan davlat bojlarining stavkalari optimallashtirilmoqda.

Masalan, hozirda davlat boji stavkalarini hisoblashda uy-joyning maydoniga, avtomototransport vositalarining dvigatel quvvati va ishlab chiqarilgan yiliga qaraladi. Endi bu boradagi toifalar qisqartirilib, stavkalar birxillashtirilmoqda, ayrimlari kamaytirilmoqda.

Jumladan, ko‘chmas mulk bo‘yicha oldi-sotdi shartnomalarini notarial tasdiqlash uchun davlat boji, uning maydonidan qatʼi nazar, Toshkent va Nukus shaharlari hamda viloyat markazlarida bazaviy hisoblash miqdorining 1 baravari, boshqa joylarda 0,5 baravari miqdorida, eng past stavkada belgilanmoqda.

Garov, ipoteka, lizing va qarz shartnomalarini notarial tasdiqlaganlik uchun tabaqalashgan bojlar birxillashtirilib, yagona stavka o‘rnatilmoqda.

Avtotransport oldi-sotdisini notarial tasdiqlashda, dvigatel quvvati va ishlab chiqarilgan yilidan qatʼi nazar, bir xil stavkada – bazaviy hisoblash miqdorining 3 baravari miqdorida boj undirilishi belgilanmoqda.

Shuningdek, mol-mulkni ijaraga berish yoki undan tekin foydalanish, avtomototransport bo‘yicha ishonchnoma berish kabi kelishuvlarni notarial tasdiqlash uchun boj miqdori kamaytirilmoqda. Fuqaroning shaxsiy jamg‘arib boriladigan pensiya taʼminotiga nisbatan merosxo‘rga guvohnoma berish uchun davlat boji bekor qilinmoqda.

Mazkur qonunning qabul qilinishi notarial jarayonlarni osonlashtirishga, turli noaniqlik, nizo va korrupsiya holatlarini bartaraf etishga xizmat qiladi. Yiliga 100 milliarddan so‘mdan ortiq mablag‘ aholi ixtiyorida qoladi.

Mavzuga oid

O‘zbekiston Prezidenti Yevroosiyo iqtiso...

O‘zbekiston Prezidenti Shavkat Mirziyoyev bugun Oliy Yevroosiyo iqtisodiy kengashining vid...

Davlatimiz rahbari 2022-2026 yillarda ge...

Prezident Shavkat Mirziyoyev bugun geologiya sohasini yana-da rivojlantirish, foydali maʼd...

O‘zbekiston va Yaponiya yetakchilari tel...

Bugun Prezident Shavkat Mirziyoyev Yaponiya Bosh vaziri Yosixide Suga bilan telefon orqali...

So`nggi yangiliklar