03/Fevral/2023 TIV yangiliklari
TOSHKENT, 3-fevral. /“Dunyo” AA/. O‘zbekiston tashqi ishlar vaziri vazifasini bajaruvchi Baxtiyor Saidov bugun Iordaniya elchisi Demiya Zuhayr Haddodni qabul qildi, deb xabar qilmoqda “Dunyo” AA muxbiri.
TIV maʼlumotiga ko‘ra, suhbat avvalida O‘zbekiston Respublikasi va Iordaniya Podshohligi o‘rtasida diplomatik munosabatlar o‘rnatilganining 30 yilligi munosabati bilan (1993-yil 15-fevral) bir-birlarini tabrikladilar.
Siyosiy, savdo-iqtisodiy, madaniy-gumanitar sohalardagi ikki tomonlama munosabatlarning hozirgi holati va rivojlanish istiqbollari ko‘rib chiqildi.
Savdo-iqtisodiy va investitsiyaviy hamkorlikni kengaytirish masalalariga alohida eʼtibor qaratildi.
Qo‘shma tadbirlarning tashkiliy jihatlari va muddatlari, xususan, vazirliklararo siyosiy maslahatlashuvlarning navbatdagi davrasi muhokama qilindi.
