03/Fevral/2023 TIV yangiliklari
TOSHKENT, 3-fevral. /“Dunyo” AA/. O‘zbekiston tashqi ishlar vaziri vazifasini bajaruvchi Baxtiyor Saidov kecha Jazoir elchisi Bumedian Gennadni qabul qildi, deb xabar bermoqda “Dunyo” AA muxbiri.
TIV maʼlumotiga ko‘ra, uchrashuvda siyosiy muloqotni faollashtirish, jumladan, o‘zaro tashriflar, maslahatlashuvlar tashkil etish, parlamentlararo aloqalarni rivojlantirish, xalqaro institutlar doirasidagi hamkorlikning ijobiy tajribasini saqlab qolish masalalari muhokama qilindi.
Savdo-iqtisodiy va investitsiyaviy hamkorlikka alohida eʼtibor qaratildi. Shu nuqtai nazardan, O‘zbekiston va Jazoir savdo-sanoat palatalari o‘rtasidagi hamkorlikni faollashtirish, qishloq xo‘jaligi, farmatsevtika, turizm va boshqa sohalarda qo‘shma investitsiya loyihalarini amalga oshirish bo‘yicha takliflar ko‘rib chiqildi.
Anvar Ilyosov olgan surat (“Dunyo” AA).
