07/Fevral/2023 Madaniyat
SEUL, 7-fevral. /“Dunyo” AA/. O‘zbekiston elchixonasi xodimlarining Xalq ijodiyoti xalqaro tashkilotining Osiyo mintaqasi bosh kotibi, Xalqaro turkiy madaniyat tashkilotining Osiyo va Tinch okeani mintaqasi maslahatchisi Mun Xyon Sok bilan uchrashuvi bo‘lib o‘tdi, deb xabar bermoqda “Dunyo” AA muxbiri.
Unda O‘zbekiston va Janubiy Koreya o‘rtasida 2023 yilda hamkorlikda o‘tkazilishi rejalashtirilgan madaniy sohadagi tadbirlar yuzasidan fikr almashildi.
O‘zbekiston sanʼatkorlarining joriy yil 21-24 fevral kunlari o‘tkazilishi rejalashtirilgan 7-Chedjudo xalqaro xor festivali va simpoziumida ishtirok etish masalalari muhokama qilindi. Mun Xyon Sok bo‘lajan tadbir doirasida ikki tomonlama hamkorlikni yana-da rivojlantirishga oid muzokaralar, yirik shaharlar merlari bilan uchrashuvlar o‘tkazish ko‘zda tutilayotganini maʼlum qildi.
