Uz / Ўз Ru En

Toshkent

02/Dekabr/2022   Iqtisodiyot

O‘zbekiston va Malayziya o‘rtasida ventilyatsiya tizimlari uchun filtrlar ishlab chiqarish loyihasini amalga oshirish istiqbollari muhokama qilinmoqda

KUALA-LUMPUR, 2-dekabr. /“Dunyo” AA/. Mamlakatimiz diplomatiya vakolatxonasi ko‘magida “O‘zeltexsanoat” uyushmasi va Malayziyaning “MayAir” kompaniyasi vakillari o‘rtasida onlayn uchrashuv tashkil etildi, deb xabar bermoqda  “Dunyo” AA muxbiri.


Muloqot chog‘ida Malayziya tomoniga O‘zbekistonda elektrotexnika sanoatini rivojlantirish va modernizatsiya qilish, yangi turdagi zamonaviy elektrotexnika hamda maishiy elektr mahsulotlari ishlab chiqarish quvvatlarini yaratish, tarmoqning investitsiya va eksport salohiyatini oshirish, shuningdek, xorijiy sarmoyador va mahalliy ishlab chiqaruvchilarni har tomonlama qo‘llab-quvvatlash bo‘yicha amalga oshirilayotgan ishlar to‘g‘risida atroflicha maʼlumotlar berildi.

O‘z navbatida, “MayAir” kompaniyasi sanoat korxonalari, shifoxonalar, tijorat binolari va aeroport terminallarining sovutish tizimlari uchun ishlab chiqariladigan mahsulotlari bo‘yicha taqdimot o‘tkazdi.

Malayziya kompaniyasi vakillari O‘zbekistonda o‘z faoliyatlarini yo‘lga qo‘yish imkoniyatini o‘rganib chiqishlarini va bu hamkorlikdan manfaatdor ekanliklarini bildirdilar.

Muzokaralar yakunida “O‘zeltexsanoat” uyushmasi tomonidan ixtisoslashgan mahalliy korxonalar va ishlab chiqarilgan mahsulotlarga bo‘lgan ichki talab, shuningdek, mahsulotlar eksporti bo‘yicha batafsil maʼlumotlarni ishlab chiqib, Malayziya tomoniga taqdim qilishga kelishib olindi.

Maʼlumot o‘rnida: 2001 yilda tashkil etilgan “MayAir” kompaniyasi isitish hamda ventilyatsiya tizimlari uchun filtr va boshqa jihozlar ishlab chiqarishga ixtisoslashgan. Kompaniya Yevropa, Yaqin Sharq va AQSHda o‘z bo‘limlariga ega.

Mavzuga oid

2021 yili O‘zbekistonda 64,5 ming turar ...

O‘tgan yili O‘zbekistonda 13,6 million kvadrat metr turar joy foydalanishga topshirildi...

Joriy yilning birinchi choragida O‘zbeki...

Joriy yilning yanvar–mart oylari mobaynida mamlakatimizda 114 trillion so‘m hajmidagi sano...

Bosh prokuraturada bo‘lib o‘tgan yig‘ili...

Shanba kuni Bosh prokuraturada O‘zbekiston Bosh vazirining o‘rinbosari - investitsiyalar v...

So`nggi yangiliklar