05/Avgust/2022 TIV yangiliklari
TOSHKENT, 5-avgust. /“Dunyo” AA/. Rostov-Don (Rossiya) shahrida O‘zbekistonning yangi bosh konsuli Burxon Aliqulov o‘z vazifasini bajarishga kirishdi, deb xabar qilmoqda “Dunyo” AA muxbiri.
U 40 yoshda. Jahon iqtisodiyoti va diplomatiya universiteti, shuningdek, Rossiya Tashqi ishlar vazirligining Diplomatiya akademiyasi bitiruvchisi.
2004 yildan O‘zbekiston Tashqi ishlar vazirligi tizimida ishlab keladi. Ishni attashe lavozimidan boshlagan. 2020-2022 yillarda Tashqi ishlar vazirligining konsullik-huquqiy departamenti boshlig‘i bo‘lib ishlagan.
U 2019 yilda Rostov-Don shahrida O‘zbekiston diplomatiya vakolatxonasini ochgan bosh konsul Rustam Qurbonboyevni almashtirdi.
Bosh konsullikning konsullik okrugiga Rossiyaning Janubiy va Shimoliy Kavkaz federal okruglari kiradi.
