Uz / Ўз Ru En

Toshkent

01/Aprel/2021   Iqtisodiy diplomatiya

Saudiya Arabistonida O‘zbekistonda yetishtirilgan za’faron mahsulotiga qiziqish bildirildi


AR-RIYOD, 1 aprel. /«Dunyo» AA/. O‘zbekistonning Saudiya Arabistonidagi elchisi Ulug‘bek Maqsudov “Sunbula technologies Est.” kompaniyasi raisi Ubaydulla Siddiyqiy bilan uchrashdi, deb xabar bermoqda “Dunyo” AA muxbiri.

Elchixona O‘zbekistonning  “BMB Trade Group” kompaniyasi tomonidan yetishtirilgan za’faron namunalarini kompaniya rahbariga taqdim etdi. Bu mahsulot Saudiya Arabistoni oziq-ovqat va dori-darmon vositalari agentligi (SFDA) tomonidan tekshiriladi va tegishli sifat sertifikati olinadi.

“Umid qilamizki, za’faron - bu O‘zbekiston bilan hamkorligimizning boshlanishi bo‘ladi. Kelajakda keng turdagi mahsulotlar import qilish niyatidamiz.

Saudiya vakillari hozir za’faronni Marokash, Ispaniya, Hindiston, Afg‘oniston va Pokiston kabi davlatlardan olib kelmoqda. Shu ma’noda O‘zbekistonda yetishtirilishi boshlangan za’faronga qiziqishimiz katta. Umid qilamizki, o‘zbek za’faroni sifat jihatidan raqobatbardosh va Saudiya bozorida o‘z o‘rniga ega bo‘ladi”, deb ta’kidladi kompaniya raisi.

Ubaydulla Siddiyqiy, shuningdek, O‘zbekistondan tabiiy asal va tog‘ o‘simlik giyohlaridan tayyorlangan mahsulotlarni ham import qilish imkoniyatini o‘rganmoqchiligini aytdi. Uning so‘zlariga ko‘ra, Saudiya Arabistonida shifobaxsh ekologik toza mahsulotlarga talab yuqori.

Uchrashuvda Markaziy va Janubiy Osiyoni bog‘lovchi transport koridori yaratish bo‘yicha olib borilayotgan sa’y-harakatlar haqida ham ma’lumot berildi. Bu kabi qulay transport yo‘lagining imkon qadar tez muddatlarda qurilishi mintaqa davlatlarining savdo-iqtisodiy aloqalariga ijobiy ta’sir ko‘rsatadi. Shu o‘rinda suhbatdosh mazkur yangi transport yo‘lagi barpo etilishi O‘zbekiston va Saudiya Arabistoni o‘rtasidagi savdo aylanmasini ham sezilarli oshishiga olib keladi, deb umid bildirdi.

Mavzuga oid

Kichik va o‘rta biznes, hunarmandchilik,...

Ushbu sarlavha ostida Eronning yetakchi axborot agentliklari «Fars News» va «ITNA News» ve...

ShHTga a’zo davlatlar mutaxassislari kor...

ShHTga a’zo davlatlarning tashqi iqtisodiy va tashqi savdo faoliyatiga mas’ul vazirlik va ...

O‘zbekiston Bosh vaziri o‘rinbosari rais...

O‘zbekiston Respublikasi Bosh vazirining o‘rinbosari Sardor Umurzoqov rahbarligidagi hamda...

So`nggi yangiliklar