30/Mart/2023 Hamkorlik
TOSHKENT, 30-mart. /“Dunyo” AA/. Germaniya Fizika texnika institutining «Milliy sifat infratuzilmasini isloh qilishni qo‘llab-quvvatlash» ikki tomonlama loyihasi doirasida bir qator xalqaro ekspertlar O‘zbekistonga keldi, deb xabar bermoqda “Dunyo” AA muxbiri.
Xalqaro ekspertlarining amaliy safari davomida Toshkentda loyihaning amalga oshirish holati va natijalariga bag‘ishlangan «Davlat tomonidan tartibga solish sohalari va tartibga solinmaydigan sohalar hamda sifat infratuzilmasining ahamiyati» mavzusida seminar-trening o‘tkazildi.
Tadbirda O‘zbekiston investitsiyalar, sanoat va savdo, qishloq xo‘jaligi, sog‘liqni saqlash, tabiat resurslari vazirliklari, “O‘zto‘qimachiliksanoat” uyushmasi, texnik jihatdan tartibga solish, standartlashtirish, sertifikatlashtirish va metrologiya sohasida davlat nazorati departamenti, O‘zbekiston standartlar instituti, milliy metrologiya instituti vakillari ishtirok etishdi.
Mavzu doirasida xorijiy ekspertlar va o‘zbek olimlari, shuningdek, O‘zbekiston milliy metrologiya instituti vakillarining maʼruzlari tinglandi.
