Uz / Ўз Ru En

Toshkent

19/Yanvar/2022   O’zbekiston dunyo nigohida

Turkmaniston delegatsiyasining O‘zbekistonga tashrifi turkman OAV bosh mavzusiga aylandi

ASHXOBOD, 19-yanvar. /«Dunyo» AA/. Turkmaniston Vazirlar Mahkamasi raisining o‘rinbosari Serdar Berdimuhamedov boshchiligidagi delegatsiyaning O‘zbekistonga tashrifi  Turkmaniston ommaviy axborot vositalarining asosiy mavzusiga aylandi, deb xabar bermoqda «Dunyo» AA muxbiri. Xususan, mamlakat  Tashqi ishlar vazirligi, «Turkmenportal.com» va «Orient.tm» axborot agentliklari elektron partallarida  mazkur tashrif tafsilotlariga bag‘ishlangan turkum maqolalar e’lon qilindi.


Ularda Turkmaniston delegatsiyasi tashrif davomida O‘zbekistonning qator vazirliklarida muzokaralar o‘tkazgani, xususan, mamlakatimiz Shavkat Mirziyoyev tomonidan qabul qilingani atroflicha qalamga olingan.

«17 yanvar kuni O‘zbekiston va Turkmaniston tashqi ishlar vazirliklari o‘rtasida maslahat uchrashuvi  bo‘lib o‘tdi, - deb yozadi Turkmaniston  nashrlari. -  Tashrif davomida O‘zbekiston Bosh vazirining o‘rinbosari -investitsiyalar va tashqi savdo vaziri Sardor Umurzoqov bilan uchrashuv bo‘lib o‘tdi, shuningdek, Sog‘liqni saqlash vazirligidagi muzokaralar chog‘ida tomonlar ikki qo‘shni davlat o‘rtasida tibbiyot sanoatini rivojlantirish, kasalliklarning oldini olish va aholi salomatligini muhofaza qilish bilan bog‘liq keng ko‘lamli hamkorlikni yanada kengaytirish imkoniyatlarini muhokama qildilar».

Turkmaniston OAV mamlakat delegatsiyasi uchun Toshkent shahridagi Texnoparkning sanoat va qishloq xo‘jaligi ekspozitsiyasiga tur  tashkil etilganiga alohida e’tibor qaratdi. «Ko‘rgazmada, ushbu yo‘nalishda istiqbolli yuqori texnologik  loyihalar haqidagi ma’lumotlar berildi», deb yozadi turkman nashrlari.

Barcha xabar va maqolalarda hukumat delegatsiyasining O‘zbekistonga  tashrifi Turkmaniston Prezidentining  topshirig‘i bilan amalga oshirilgani alohida qayd etilgan.

Mavzuga oid

O‘zbekiston Turkiy davlatlar tashkiloti...

O‘zbekiston Prezidenti Administratsiyasi huzuridagi Axborot va ommaviy kommunikatsiyalar a...

Germaniyadan munosabat: O‘zbekistonda uz...

Germany Trade & Invest» agentligi (GTAI)ning internet sahifasida «O‘zbekistonda chet el ko...

«Uzbekistan GTL» zavodinining ishga tush...

Italiyaning «Gazzetta di Roma», «Gazzetta di Milano» va «Gazzetta di Napoli» onlayn-nashrl...

So`nggi yangiliklar