25/Noyabr/2021 Eksklyuziv
TOSHKЕNT, 25-noyabr. /«Dunyo» AA/. Bugun O‘zbekiston tashqi ishlar vazirligida Yevropa komissiyasi vitse-prezidenti Margaritis Sxinas bilan uchrashuv bo‘lib o‘tdi, deb xabar bermoqda «Dunyo» AA muxbiri.
Muzokaralar yakunida Yevropa komissiyasi vitse-prezidenti Agentlik muxbiriga bergan intervyusida YEI va O‘zbekiston o‘rtasidagi hamkorlikning buguni holati haqidagi firklarini izhor qildi.
- Bugun tashqi ishlar vaziri Abdulaziz Komilov bilan Yevropa Ittifoqi va O‘zbekiston o‘rtasidagi hamkorlikning asosiy yo‘nalishlarini muhokama qildik.
Uchrashuv davomida ««O‘zbekiston Respublikasi – Yevropa Ittifoqi» hamkorlik kengashining 16-yig‘ilishi va «Yevropa Ittifoqi – Markaziy Osiyo» shaklidagi 17-vazirlar uchrashuvi yakunlari yuzasidan fikr almashildi.
Shuningdek, Yevropa Ittifoqi va O‘zbekiston o‘rtasida kengaytirilgan sheriklik va hamkorlik to‘g‘risidagi bitim loyihasi bo‘yicha muzokara jarayoniga oid masalalarni muhokama qildik.
O‘zbekiston Yevropa Ittifoqining uzoq yillik hamkori hisoblanadi, bugungi tashrifim esa o‘zaro munosabatlarimiz jadallashayotganining tasdig‘idir.
Shuningdek, Afg‘oniston muammosi bo‘yicha samarali hamkorlik, ayniqsa, chet el fuqarolarini O‘zbekiston orqali evakuatsiya qilish bo‘yicha ko‘mak uchun O‘zbekiston tashqi ishlar vaziriga shaxsan minnatdorlik bildiraman.
