NOVOSIBIRK, 22-oktyabr. /"Dunyo" AA/. Rossiya Fanlar akademiyasining Novosibirsk shahridagi Sibir bo'limining Davlat ommaviy ilmiy-texnik kutubxonasi direktori Irina Lizunova O'zbekiston turizm brendining Rossiya Federatsiyasidagi elchisi etib tayinlandi, deb xabar qilmoqda "Dunyo" AA muxbiri.

Kutubxonada o'tkazilgan tantanali marosimda Irina Lizunovaga O'zbekiston turizm brendining Rossiya Federatsiyasidagi elchisi sertifikati tantanali ravishda topshirildi.

Novosibirsk vakilasiga O'zbekiston turizm elchisi unvoni birinchi marta berilishi alohida e'tiborga molik. U O'zbekiston bilan Sibir poytaxti o'rtasidagi munosabatlarni rivojlantirish va yana-da takomillashtirishga salmoqli hissa qo'shmoqda. Shuningdek, Irina Lizunova novosibirskliklarni O'zbekistonning o'ziga xos madaniyati, tarixi va ilm-fani, shuningdek, mamlakatimizning bugungi kundagi, jumladan, turizm sohasidagi taraqqiyoti bilan yana-da faolroq tanishtirish uchun barcha sa'y-harakatlarini amalga oshirmoqda.

"O'zbekiston turizm brendining Rossiyadagi elchisi etib tayinlangani nafaqat katta sharaf, balki mas'uliyatdir. Zimmamda Yangi O'zbekiston yutuqlarini butun Rossiya bo'ylab keng targ'ib qilishdek yuksak vazifalar yuklanganini yaxshi his qilayapman.