TЕHRON, 15-mart. /"Dunyo" AA/. O'zbekiston diplomatik missiyasi ko'magida taniqli eronlik fud-bloger, "mr.taster" taxallusi bilan tanilgan Hamid Sepidnamning yurtimizga ijodiy safari tashkil etildi, deb xabar qilmoqda "Dunyo" AA muxbiri.



Bloger mamlakatimizning gastronomik turizm salohiyati va milliy o'zbek oshxonasining jozibadorligi haqidagi materiallarni e’lon qilib bormoqda.

Safar davomida u Navro'z sayillari, bahoriy taomlarimiz — sumalak, ko'ksomsa, shuningdek, Samarqand noni va o'zbek palovini tayyorlash jarayonlari haqida maqola va videoroliklar tayyorlashni rejalashtirgan.

Eronlik blogerning yurtimiz bo'ylab safari 19-martga qadar davom etadi.