ТОШКЕНТ, 13 август. /"Дунё" АА/. 2025 йилнинг 1 август ҳолатига Ўзбекистонда хорижий инвестициялар иштирокида 16609 та корхона фаолият юритмоқда, бу эса 2024 йилнинг мос даврига нисбатан 16,4 фоизга кўпдир, деб хабар қилмоқда "Дунё" АА мухбири.

Миллий статистика қўмитаси маълумотига кўра, мазкур корхоналардан 4094 таси қўшма ва 12515 таси тўлиқ хорижий капиталга асослангандир.

Хорижий инвестициялар иштирокидаги корхоналар сони мамлакатлар кесимида:

-Хитой – 4250 та;

-Россия – 3093 та;

-Туркия – 1982 та;

-Қозоғистон – 1149 та;

-Жанубий Корея – 671 та;

-Афғонистон – 622 та;

-БАА – 369 та;

-Ҳиндистон – 332 та;

-АҚШ – 332 та.