Бениннинг янги тайинланган элчиси Ўзбекистондаги вазифасини бажаришга киришди
Сентябрь 13, 2024. 16:42 • 44 сония
• 610
ТОШКЕНТ, 13 сентябрь. /"Дунё" АА/. Ўзбекистон ташқи ишлар вазири Бахтиёр Саидов бугун Бениннинг янги тайинланган элчиси (қароргоҳи Москва шаҳрида) Андре Акамби Окунлола-Биауни қабул қилди, деб хабар қилмоқда "Дунё" АА мухбири.
"Бениннинг Ўзбекистондаги Элчиси Андре Акамби Окунлола-Биау жаноблари билан учрашиб, унинг ишонч ёрлиқларини қабул қилдик, – деб ёзди Ўзбекистон ТИВ раҳбари ўзининг telegram каналида. – Ўзбекистон Ҳукумати Африка давлатлари билан ҳар томонлама алоқаларни кенгайтиришдан манфаатдор. Биз ҳамкорликнинг бир қатор истиқболли йўналишлари, жумладан, қишлоқ хўжалиги ва тўқимачилик саноатини муҳокама қилдик. Жаноб Элчига мамлакатимиздаги фаолиятида муваффақиятлар тилаймиз".
Эслатиб ўтамиз, Ўзбекистон ва Ғарбий Африка мамлакати Бенин ўртасидаги дипломатик муносабатлар 2005 йил 17 августда ўрнатилган.
60 ёшли Андре Акамби Окунлола-Биау 2021 йилда Россиядаги элчи этиб тайинланган. Бундан аввал эса у бир неча бор Бенин Миллий Ассамблеяси (парламенти) депутати этиб сайланган.
"Дунё" АА олган сурат
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Барчаси
