ТОШКЕНТ, 13 сентябрь. /"Дунё" АА/. Ўзбекистон ташқи ишлар вазири Бахтиёр Саидов бугун Уругвайнинг янги тайинланган элчиси (қароргоҳи Москва шаҳрида) Даниэль Кастиллос Гомесни қабул қилди, деб хабар қилмоқда "Дунё" АА мухбири.

"Уругвайнинг Ўзбекистондаги янги тайинланган Элчиси Даниэль Кастиллос Гомес жанобларининг ишонч ёрлиқларини қабул қилдик, – деб ёзди Ўзбекистон ТИВ раҳбари ўзининг telegram каналида. – Ташқи ишлар вазирликлари, парламентлар ва бошқа идоралар ўртасида фаолроқ мулоқотни ривожлантиришга эҳтиёж мавжуд. Мамлакатларимиз икки томонлама муносабатларини янада жадаллаштириш янги имкониятлар эшигини очади ва барчамиз бундан манфаатдормиз. Ўзбекистонга хуш келибсиз, жаноб Элчи!".

Уругвайнинг янги тайинланган элчиси 58 ёшда. У дипломатия соҳасида 35 йилдан ортиқ тажрибага эга. Даниэль Кастиллос Гомес 2021 йилдан буён Россиядаги элчи вазифасида ишламоқда.

"Дунё" АА олган сурат