Ўзбекистон ташқи ишлар вазири ўринбосари Минскда Беларусь таълим вазири билан учрашди
Июнь 09, 2026. 20:12 • 56 сония
• 44
ТОШКЕНТ, 9 июнь. /“Дунё” АА/. Ўзбекистон ташқи ишлар вазири ўринбосари Олимжон Абдуллаев Минскда Беларусь таълим вазири Андрей Иванец билан учрашди, деб хабар бермоқда “Дунё” АА мухбири.
ТИВ маълумотига кўра, мулоқот давомида таълим соҳасидаги Ўзбекистон–Беларусь ҳамкорлигининг долзарб масалалари ва уни янада ривожлантириш истиқболлари муҳокама қилинди.
Томонлар меҳнат бозори талабларига жавоб берадиган рақобатбардош мутахассисларни тайёрлаш, таълим соҳасидаги илғор тажрибани ўрганиш ва кадрлар салоҳиятини юксалтириш масалаларида ўзаро ҳамкорликни янада фаоллаштириш муҳимлигини қайд этди.
Шунингдек, Беларусь таълим муассасаларида таҳсил олаётган Ўзбекистон фуқаролари учун яратилган шарт-шароитлар ва уларни ҳар томонлама қўллаб-қувватлаш юзасидан фикр алмашилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон ТИВ раҳбари ўринбосари Пекинда Хитой Ижтимоий фанлар академияси вице-президенти билан учрашди
