АБУ-ДАБИ, 6 сентябрь. /"Дунё" АА/. Ўзбекистон элчиси Абдулазиз Аққулов Бирлашган Араб Амирликларининг "UAE University" проректори, бош ижрочи директори, профессор Аҳмад Али Алраиси билан музокара ўтказди, деб хабар қилмоқда "Дунё" АА мухбири.

Унда икки мамлакат олий таълим муассасалари ўртасида ҳамкорлик истиқболлари муҳокама қилинди.

Ўзбекистон дипломатлари олий юртимизда олий таълим йўналида ҳаётга тадбиқ этилаётган янгиланиш ва ёшларни билим олиши яратилаётган имкониятлар тўғрисидаги тақдимот ўтказдилар.

Томонлар Ўзбекистонда "UAE University" филиалини очиш, Тошкент Ахборот технологиялар университети, "Green University" ва Тошкент давлат аграр университети билан ҳамкорлик ўрнатиш ва тадқиқот дастурини йўлга қўйиш, талабалар учун курслар ташкил этиш ва бошқалар хусусида фикр алмашдилар.