ТОШКЕНТ, 9 май. /"Дунё" АА/. Ўзбекистон Президенти Шавкат Мирзиёев бугун Москвада Иккинчи жаҳон урушидаги Ғалабанинг 80 йиллигига бағишланган тантанали тадбирларда қатнашди, деб хабар қилмоқда "Дунё" АА мухбири.

Давлатимиз раҳбари матбуот хизмати маълумотига кўра, Ўзбекистон етакчиси Москвада Иккинчи жаҳон урушидаги Ғалабанинг 80 йиллигига бағишланган тантанали тадбирларда иштирок этиш доирасида ХХР Раиси Си Цзиньпин, Тожикистон Президенти Эмомали Раҳмон, Миср Президенти Абдулфаттоҳ ас-Сиси, Вьетнам Компартияси Марказий қўмитаси Бош котиби То Лам, Сербия Президенти Александр Вучич ва Фаластин Президенти Маҳмуд Аббос билан норасмий учрашувлар ўтказди.