НАМАНГАН, 24 май. /“Дунё” АА/. Бугун Наманганда 65-Халқаро гуллар фестивалининг тантанали очилиш маросими бўлиб ўтди, деб хабар бермоқда “Дунё” АА мухбирлари гуллар пойтахтидан.

Бу галги юбилей халқаро гуллар байрамида бошқа мамлакатлар делегациялари, халқаро ташкилотлар вакиллари, турли соҳа мутахассислари ҳамда юртимиз аҳолиси ва хориждан кўплаб меҳмонлар иштирок этмоқда.

Фестиваль доирасида кўплаб маданий-маърифий, кўнгилочар ва халқаро тадбирлар ташкил этилиши режалаштирилган.

Шунингдек, бу йил фестивалда Гиннеснинг рекордлар китоби талабларига мувофиқ энг кўп гул экиш ташаббуси амалга оширилмоқда ва бу жараён халқаро кузатувчилар томонидан назорат қилинмоқда.

65-Халқаро гуллар фестивали 12 июлга қадар давом этади.