ЛОНДОН, 17 август. /"Дунё" АА/. Ўзбекистон Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси Баходир Юсупалиев ва Британиянинг "Intertek" компанияси минтақавий директори Ирина Баэренвалд ўртасида онлайн учрашув бўлиб ўтди, деб хабар қилмоқда "Дунё" АА мухбири.

Ўзбекистон элчихонаси кўмагида ташкил этилган мулоқот чоғида Санитария-эпидемиологик осойишталик ва жамоат саломатлиги қўмитасига қарашли лабораторияларни модернизация қилиш ва уларни замонавий стандартларга мослаштириш бўйича ҳамкорлик истиқболлари кўриб чиқилди.

"Intertek" компанияси маҳсулотларни синовдан ўтказиш ва сертификатлаш бўйича дунёдаги етакчи трансмиллий компаниялардан бири ҳисобланади. Компания 100 дан ортиқ мамлакатда 1000 дан зиёд лабораторияга эгалик қилади.