ТОШКЕНТ, 18 декабрь. /«Дунё» АА/. Ўзбекистон туризм қўмитаси раиси Умид Шодиев Пекин шаҳрида Хитой Туризм ва маданият академияси раҳбари Лина Чжун билан учрашди, деб хабар бермоқда «Дунё» АА мухбири.

Туризм қўмитаси маълумотига кўра, учрашув чоғида Академия томонидан яратилган «Tourism Big Data Platform» дастури билан танишилди. Хитойнинг туризм индустрияси ҳолатини онлайн мониторинг қилиш ва баҳолаш имконини берадиган ушбу рақамли платформа 300 дан ортиқ кўрсатгичлар ва 140 та индексни ўзида акс эттирган.

Музокаралар якуни бўйича ҳамкорликда Ўзбекистонда шу каби платформани яратиш ҳамда унга керакли маълумотлар базасини шакллантириш бўйича тажриба алмашишга келишиб олинди.