ЛОНДОН, 23 ноябрь. /«Дунё» АА/. Ўзбекистон элчиси Равшан Усманов Буюк Британия Бизнес ва савдо вазирлиги Экспорт ва савдо департаменти бош директори Найл Маккензи билан учрашди, деб хабар бермоқда «Дунё» АА мухбири.

Учрашув давомида икки томонлама савдо-иқтисодий ҳамкорликни янада жадаллаштиришнинг долзарб масалалари муҳокама қилинди.

Хусусан, 28-30 ноябрь кунлари Лондон шаҳрида бўлиб ўтиши ражалаштирилган Савдо ва саноат бўйича Ўзбекистон–Британия кенгашининг навбатдаги йиғилишини юқори даражада ташкил этиш ва ўтказишга келишиб олинди.

Найл Маккензи Ўзбекистон–Британия савдо-иқтисодий алоқаларини янада кенгайтириш, икки томонлама савдо айланмаси ҳажмини оширишда ўзаро тенг манфаатли ҳамкорликни олиб бориш, ўзбек товарларининг Британияга экспортини илгари суришда ҳамкорликка тайёрлигини билдирди.