МАСҚАТ, 20 февраль. /"Дунё" АА/. Ўзбекистон элчиси Абдусалом Хатамов Ўмон олий таълим, илмий тадқиқотлар ва инновация вазири Раҳма бинт Иброҳим ал-Махруқий билан учрашув ўтказди, деб хабар қилмоқда "Дунё" АА мухбири.

Мулоқот давомида Ўзбекистон Олий таълим, фан ва инновациялар вазирлиги ва Ўмон Олий таълим, илмий тадқиқотлар ва инновация вазирлиги ўртасидаги ҳамкорликни мустаҳкамлаш, вазирликлар ўртасида англашув меморандумни ишлаб чиқиш ва имзолаш, делегациялар алмашинувини фаоллаштириш масалалари муҳокама қилинди.

Шунингдек, икки мамлакат олий таълим муассасалари олимлари иштирокида илмий тадқиқот ишларини олиб боришни йўлга қўйиш ва Ўзбекистон таълим соҳасига грант ажратиш имкониятларига эътибор қаратилди.