Ўзбекистон ва БАА ўртасида сунъий интеллект ва рақамли иқтисодиёт соҳасидаги ҳамкорлик ривожланмоқда
Май 24, 2026. 10:25 • 2 дақ
• 123
АБУ-ДАБИ, 24 май. /“Дунё” АА/. Ўзбекистон элчиси Умид Шодиев БАА Сунъий интеллект, рақамли иқтисодиёт ва масофавий ишчи иловалар вазири Омар Султон ал-Улама билан учрашди, деб хабар бермоқда “Дунё” АА мухбири.
Мулоқот давомида икки мамлакат ўртасида рақамли трансформация ва юқори технологиялар йўналишида ўзаро манфаатли ҳамкорлик алоқаларини ривожлантиришнинг устувор масалалари атрофлича муҳокама қилинди.
Суҳбат чоғида амирликлар вакилига Ўзбекистонда давлат бошқаруви, иқтисодиёт тармоқлари ва ижтимоий соҳаларда сунъий интеллект технологияларини кенг жорий этиш борасида амалга оширилаётган тизимли ислоҳотлар ҳақида батафсил маълумот берилди.
Музокараларнинг муҳим банди сифатида “Янги Тошкент” стратегик лойиҳаси доирасидаги шериклик истиқболлари кўриб чиқилди. Мазкур “ақлли шаҳар” концепцияси асосида замонавий маълумотларни қайта ишлаш марказларини (дата-марказлар) ташкил этиш ҳамда шаҳар бошқаруви ва логистика тизимига сунъий интеллект технологияларини чуқур интеграция қилиш масалаларига алоҳида тўхталиб ўтилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон элчихонасида ўзбек дипломатиясининг фахрийси, таниқли урду тили билимдони ва таржимон билан учрашув бўлиб ўтди
