БУДАПЕШТ, 3 август. /"Дунё" АА/. Ўзбекистон элчиси Ойбек Шахавдинов Венгрия Миллий мажлиси вице-спикери Иштван Якаб билан унинг мамлакатимизга бўлажак ташрифига тайёргарлик доирасида учрашув ўтказди, деб хабар бермоқда "Дунё" АА мухбири.

Музокаралар чоғида томонлар парламентлараро мулоқотни мустаҳкамлаш, қишлоқ хўжалиги, таълим ва маданият каби устувор соҳаларда икки томонлама ҳамкорликни ривожлантиришдан манфаатдор эканлиги таъкидланди.

Шунингдек, кутилаётган ташриф давомида Ўзбекистон ва Венгрия ўртасидаги иқтисодий шериклик, хусусан, ўзаро ҳамкорликни кенгайтириш учун сезиларли салоҳиятга эга бўлган қишлоқ хўжалиги соҳасидаги алоқаларни мустаҳкамлашга алоҳида эътибор қаратилиши қайд этилди.