Anqarada vatandoshlar bilan uchrashuv o‘tkazildi
Dekabr 16, 2025. 13:04 • 2 daq
• 625
ANQARA, 16-dekabr. /“Dunyo” AA/. Turkiya poytaxtida elchixona tomonidan vatandoshlar ishtirokida madaniy-maʼrifiy tadbir tashkil etilib, unda davlat ramzlarining inson hayotidagi ahamiyati xususida so‘z yuritildi, deb xabar qilmoqda “Dunyo” AA muxbiri.
Tadbirda Turkiyada mehnat qilayotgan hamyurtlarimiz, Anqaradagi oliy taʼlim muassasalari va harbiy bilim yurti akademiyasida tahsil olayotgan talaba va kursantlar ishtirok etdi.
Uchrashuvda so‘zga chiqqanlar O‘zbekiston Konstitutsiyasining qabul qilinishi tarixi va huquqiy ahamiyatiga oid fikrlari bilan o‘rtoqlashdi. Mamlakatimizda konstitutsion islohotlar izchil davom etayotgani, asosiy qonunimizning demokratik tamoyillarini hayotga tatbiq etishdagi o‘rnini alohida taʼkidladi.
O‘zbekistonning Turkiyadagi elchisi Ilhom Haydarov so‘zga chiqib, yurtimizning halqaro maydondagi nufuzini mustahkamlashda davlat ramzlari – konstitutsiya, bayroq va madhiyaning o‘rni va ahamiyati xususida to‘xtalib o‘tdi.
Tadbirda Anqara Haji Bayram Vali universiteti professori Zaynobiddin Abdurashidov O‘zbekiston Konstitutsiyasining inson huquq va erkinliklari va demokratik rivojlanishidagi roli to‘g‘risida fikr bildirdi.
Turkiyada tahsil olayotgan talabalar bunday madaniy-maʼrifiy tadbirlar fuqarolarning Vatanga sadoqatini va maʼnaviy bog‘liqligini mustahkamlash, diplomatik muassasa va diaspora bilan strategik hamkorlikni rivojlantirishga xizmat qilishini alohida taʼkidladi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Turkmaniston Tashqi ishlar vazirligi huzuridagi Xalqaro munosabatlar institutida bo‘lib o‘tgan O‘zbekiston Konstitutsiyasi kuni ikki mamlakat o‘rtasidagi do‘stlikning yana bir dalili bo‘ldi
