O‘zbekiston Prezidenti Issiqko‘lda suv-motor sporti bo‘yicha chempionatning ochilishida ishtirok etdi
Avgust 01, 2026. 13:20 • 2 daq
• 31
TOSHKENT, 1-avgust. /“Dunyo” AA/. Markaziy Osiyo va Ozarbayjon davlat rahbarlari norasmiy Maslahat uchrashuvi dasturiga muvofiq, bugun Issiqko‘lda suv-motor sporti bo‘yicha Qirg‘iziston Gran-prisining tantanali ochilish marosimida ishtirok etdilar, deb xabar bermoqda “Dunyo” AA muxbiri.
Davlatimiz rahbari matbuot xizmati maʼlumotiga ko‘ra, yetakchilar musobaqa ishtirokchilari va mehmonlarini qutladilar.
O‘zbekiston Prezidenti Shavkat Mirziyoyev rafiqasi bilan birga sportchilarning saralash poygasini kuzatdi.
Gran-pri Xalqaro suv-motor sporti ittifoqi shafeligida o‘tkazilayotgan “suvdagi Formula-1” nomi bilan mashhur bo‘lgan F1H2O jahon chempionatining ikkinchi bosqichi hisoblanadi. Musobaqalarda har yili turli mamlakatlardan professional jamoa va sportchilar ishtirok etadi. Jahon chempionati bosqichi Markaziy Osiyoda ilk bor o‘tkazilmoqda.
Dasturdan mashg‘ulotlar, saralash bosqichi hamda soatiga 220 kilometrdan ortiq tezlikda harakatlanuvchi tezyurar qayiqlardagi asosiy poyga o‘rin olgan.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Markaziy Osiyo va Ozarbayjon Prezidentlari Issiqko‘l sohilida “Boku” mehmonxonasining ochilish marosimida ishtirok etdilar
O‘zbekiston Prezidenti: Birgalikdagi saʼy-harakatlarimiz natijasida ilgari tarqoq bo‘lgan Markaziy Osiyo bugungi kunda taraqqiyotning umumiy maqsadlari yo‘lida birlashmoqda
