DUSHANBЕ, 24-oktabr. /“Dunyo” AA/. Tojikiston milliy muzeyida “Dushanbe kitob – 2026” XIV xalqaro kitob ko‘rgazmasining ochilish marosimi bo‘lib o‘tdi, deb xabar bermoqda “Dunyo” AA muxbiri.

Ushbu ko‘rgazmada O‘zbekiston, Turkiya, Eron, Turkmaniston, Rossiya, Belarus, Hindiston va boshqa davlatlardan 30 ga yaqin nashriyot, matbaa korxonasi va kitob savdosi tashkilotlari ishtirok etmoqda.

Xususan, O‘zbekistondan “Mahorat” matbaa ijodiy uyi, “Fan bulog‘i” nashriyoti va “Surxondaryo kitob olami” MCHJ vakillari turli janrlardagi 200 dan ortiq adabiyot bilan qatnashmoqda.

Xalqaro kitob ko‘rgazmasi doirasida ilmiy-amaliy konferensiyalar, yangi kitoblar taqdimotlari va turli muzokara uchrashuvlarini o‘tkazish ko‘zda tutilgan.