Shanxayda Xitoydagi vatandoshlar o'rtasida futbol musobaqasi o'tkazildi
May 21, 2025. 11:07 • 42 soniya
• 59
SHANXAY, 21-may. /"Dunyo" AA/. O'zbekiston Bosh konsulxonasi tashabbusi bilan Shanxay shahrida vatandoshlar o'rtasida futbol bo'yicha "Bosh konsulxona kubogi" turniri o'tkazildi, deb xabar qilmoqda "Dunyo" AA muxbiri.
Musobaqada Xitoyning Shanxay shahri, Chjeszyan, Anxoy va Szzyansu provinsiyalaridagi oliy o'quv yurtlarida tahsil olayotgan hamda ushbu hududlarda vaqtincha ishlayotgan vatandoshlardan tuzilgan jamoalar o'zaro bellashdi.
Do'stona ruhda o'tgan musobaqa yakuniga g'olib jamoaga "Bosh konsulxona kubogi" tantanali ravishda topshirildi.
Shundan so'ng, hamyurtlarimiz uchun o'zbekona dasturxon yozilib, suhbat bir piyola choy ustida davom ettirildi.
Muloqot chog'ida O'zbekistonda turli sohalarda amalga oshirilayotgan keng ko'lamli islohotlarning mazmun-mohiyati, so'nggi yillarda mamlakatimizda erishilayotgan natijalar va yoshlar uchun yaratilgan shart-sharoitlar haqida ma'lumot berildi.
Ishtirokchilar bu kabi sport tadbirlarini muntazam ravishda tashkil etish xorijda bo'lib turgan vatandoshlarni birlashtirishga xizmat qilishini ta'kidladilar.
Shuningdek, ular o'zlarini qiziqtirgan konsullik-huquqiy masalalarga oid savollariga diplomatlardan javob oldilar.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Qozog‘istonning Atirau viloyatidagi vatandoshlar uchun sayyor qabul o‘tkazildi
AQShdagi Braun universitetida otishma vaqtida o‘zbekistonlik talaba halok bo‘ldi
Germaniyaning Frankfurt-Mayn shahrida O‘zbekiston Konstitutsiyasi kuni nishonlandi
Norvegiyadagi vatandoshlar bilan ochiq muloqot o'tkazildi