ТЕРМИЗ, 30 октябрь. /"Дунё" АА/. Сурхондарё вилоятидаги "Айритом" эркин савдо зонасида Новосибирскнинг йирик "Сибиар" компанияси шоуруми расман очилди, деб хабар беради "Дунё" АА мухбири.

Ушбу лойиҳа Новосибирск ва Сурхондарё ўртасидаги савдо-иқтисодий ҳамкорликни янги босқичга олиб чиқишга хизмат қилади. "Сибиар" уй-хўжалик химияси ва аэрозол қопламдаги парфюмерия-косметика маҳсулотлари ишлаб чиқаришда Уралдаги энг йирик компания ҳисобланади.

Шоурумда компания маҳсулотларининг кенг турдаги намуналари – уй-хўжалик химияси, косметика ва парфюмерия, пардоз воситалари ва автомобиль эҳтиёт қисмлари намойиш этиляпти.

Шунингдек, 2026 йил бошида Новосибирск вилоят корхоналарининг "Айритом" эркин савдо зонасига бизнес-миссия ташкил этилиши ва ушбу ҳудудда алоҳида Новосибирск павильони очилиши режалаштирилмоқда.