ТОШКEНТ, 3 июль. / "Дунё" АА/. Сўнгги 5 ой ичида Ўзбекистонга қиймати 325,3 миллион долларлик енгил автомобиль импорт қилинди, деб хабар қилмоқда "Дунё" АА мухбири.

Статистика қўмитаси маълумотларига кўра, 2025 йилнинг январь-май ойларида мамлакатга 18387 та енгил автомобиль олиб кирилган бўлиб, улардан 9789 тасини электромобиллар ташкил этади.

Ушбу даврда Ўзбекистонга автомобиль етказиб бериш бўйича етакчи давлатлар қуйидагилар бўлди:

Хитой – 15873 дона;

Корея Республикаси – 1882 дона;

Ҳиндистон– 168 дона;

Япония – 122 дона;

АҚШ – 82 дона;

бошқа давлатлар – 260 дона.

Шунингдек, 2025 йилнинг ўтган беш ойи давомида Ўзбекистонда жами 153 814 дона турли русумдаги енгил автомобиллар (махсус енгил автомобиллардан ташқари) ишлаб чиқарилган.

Миллий статистика қўмитаси сайтидан олинган сурат