Ўзбекистоннинг Жаҳон ислом цивилизацияси альянсини ташкил этиш ташаббуси бир овоздан қўллаб-қувватланди
Июль 15, 2026. 08:55 • 2 дақ
• 171
МОСКВА, 15 июль. /“Дунё” АА/. I Халқаро Ислом цивилизацияси форуми иштирокчилари Ўзбекистоннинг Жаҳон ислом цивилизацияси альянсини ташкил этиш ғоясини бир овоздан қўллаб-қувватлади, деб хабар бермоқда “Дунё” АА мухбири Россиянинг “Миллиард татар” ахборот порталига таяниб.
Нашрнинг ёзишича, дунёнинг 50 дан ортиқ мамлакатидан ташриф буюрган халқаро ташкилотлар вакиллари, вазирлар, олимлар ва экспертлар Ўзбекистоннинг Жаҳон ислом цивилизацияси альянсини ташкил этиш ташаббусини қўллаб-қувватлаган.
Бу форум иштирокчилари томонидан Ўзбекистон Президенти Шавкат Мирзиёев номига йўлланган мурожаатда ҳам ўз аксини топган. Шу билан бирга, мурожаатда мамлакат раҳбарига нуфузли халқаро илмий форумни юксак савияда ташкил этгани учун алоҳида миннатдорлик билдирилган.
Таъкидланганидек, “Тинчлик, бағрикенглик ва илм-маърифат йўли” шиори остида ташкил этилган форум Тошкент, Самарқанд ва Термиз шаҳарларида ўтказилди. Форумда декларация ва уни амалга ошириш бўйича “Йўл харитаси” қабул қилинди. Ушбу ҳужжатлар ислом цивилизациясининг бой илмий-маънавий меросини ўрганиш, асраб-авайлаш ва кенг тарғиб этишга қаратилган узоқ муддатли халқаро ҳамкорликнинг устувор йўналишларини белгилаб берган.
Мақолада форумнинг ўтказилиши Ўзбекистон Президентининг ташаббуси ва бевосита қўллаб-қувватлаши туфайли амалга ошгани алоҳида қайд этилган. Шунингдек, давлатимиз раҳбари томонидан 2017 йилда БМТ Бош Ассамблеясининг 72-сессиясида илгари сурилган Ўзбекистонда Ислом цивилизацияси марказини ташкил этиш ташаббуси юксак баҳоланган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
“Ambasador” журнали: Ўзбекистонда амалга оширилаётган ислоҳотлар мамлакатнинг хорижий инвесторлар учун ишончли ҳамкор сифатидаги мавқеини мустаҳкамламоқда
