ТОШКЕНТ, 14 июль. /“Дунё” АА/. Ўзбекистон Президенти Шавкат Мирзиёев Қатар собиқ Амири Шайх Ҳамад бин Халифа Ол Сонийнинг вафоти муносабати билан ҳамдардлик билдириш учун 14 июль куни Доҳа шаҳрига келди, деб хабар бермоқда “Дунё” АА мухбири.

Давлатимиз раҳбари матбуот хизмати маълумотига кўра, Ҳамад халқаро аэропортида Ўзбекистон Президентини Қатар Бош вазири ўринбосари, мудофаа вазири Шайх Сауд бин Абдулраҳмон Ол Соний ва бошқа расмий шахслар кутиб олди.

Ташриф доирасида Қатар Амири Шайх Тамим бин Ҳамад Ол Соний билан икки томонлама учрашув ўтказилиши режалаштирилган.