ТОШКЕНТ, 11 декабрь. /“Дунё” АА/. Ўзбекистон билан Парагвай ўртасида олий даражадаги музокаралар якунлангач, Кўксарой қароргоҳида дарахт экиш маросими бўлиб ўтди, деб хабар бермоқда “Дунё” АА мухбири.

Давлатимиз раҳбари матбуот хизмати маълумотига кўра, мамлакатларимиз ва халқларимиз ўртасидаги дўстлик ҳамда шерикчиликни мустаҳкамлашга, икки томонлама муносабатлар тарихида янги саҳифа очишга ўзаро қатъий интилишнинг рамзи сифатида Президентлар Шавкат Мирзиёев ва Сантьяго Пенья биргаликда Фахрий меҳмонлар хиёбонида дарахт экдилар.