ТОШКЕНТ, 26 июнь. /"Дунё" АА/. Ўзбекистон Президенти Шавкат Мирзиёев бугун амалий ташриф билан Беларусга келди, деб хабар бермоқда "Дунё" АА мухбири.

Давлатимиз раҳбари матбуот хизмати маълумотига кўра, "Минск" миллий аэропортида Ўзбекистон Президентини Беларусь Бош вазирининг биринчи ўринбосари Николай Снопков ва бошқа расмий шахслар кутиб олди.

Ташриф доирасида Ўзбекистон етакчиси 27 июнь куни Минск шаҳрида Олий Евроосиё иқтисодий кенгашининг навбатдаги йиғилишида кузатувчи мақомида иштирок этади.