ТОШКЕНТ, 14 ноябрь. /"Дунё" АА/. "Тошкент-Ҳумо" халқаро аэропортида бугун мамлакатимизга давлат ташрифи билан келган Қозоғистон Президенти Қасим-Жомарт Тоқаевни расмий кутиб олиш маросими бўлиб ўтди, деб хабар бермоқда "Дунё" АА мухбири.

Давлатимиз раҳбари матбуот хизмати маълумотига кўра, олий мартабали меҳмон шарафига икки давлат байроқлари кўтарилди, фахрий қоровул саф тортди. Ҳарбий оркестр ижросида Ўзбекистон ва Қозоғистон давлат мадҳиялари янгради.

Президентлар Қасим-Жомарт Тоқаев ва Шавкат Мирзиёев фахрий қоровул сафи олдидан ўтиб, расмий делегациялар аъзоларини қутладилар.

Ташрифнинг асосий тадбирлари эртага, 15 ноябрь куни бўлиб ўтади.