ВАРШАВА, 9 ноябрь. /«Дунё» АА/. Ўзбекистоннинг Польшадаги элчихонасининг консуллик бўлими томонидан Краков шахрида жиддий автоҳалокатга учраган ва қўли ҳамда оёғига шошилинч операция зарур бўлган Ўзбекистон фуқаросига тегишли ёрдам кўрсатилди, деб хабар қилмоқда «Дунё» АА мухбири.

Ўзбекистон элчихонасининг telegram-каналида маълум қилинишича, ҳамюртимизга тезроқ ватанга қайтиши учун барча зарур ҳужжатлар расмийлаштирилди. Унинг 2024 йил 10 ноябрь, якшанба куни ватанга қайтиши кутилмоқда.

"Чет элда бўлган фуқароларимизга йўлларда эҳтиёткор ва огоҳ бўлишни, шунингдек, бўлиб турган давлатнинг қонунларига ҳурмат билан муносабатда бўлишни тавсия қиламиз, – дейилади элчихона хабарида. – Ҳар қандай фавқулодда ҳолатларда Ўзбекистоннинг Польшадаги элчихонасининг консуллик бўлимига мурожаат қилишингиз мумкин. Сизга ёрдам беришга ва қўллаб-қувватлашга доимо тайёрмиз".

Тел: +48228946230

Т telegram-канал