O‘zbekiston Gvineya-Bisau bilan diplomatik aloqalar o‘rnatdi
Апрель 24, 2026. 09:55 • 52 сония
• 1789
NYU-YORK, 24-aprel. /“Dunyo” AA/. 2026-yil 22-aprel kuni Nyu-York shahrida O‘zbekistonning BMTdagi doimiy vakili Ulug‘bek Lapasov va Gvineya-Bisauning BMTdagi missiyasi rahbari Samba Sane diplomatik aloqalar o‘rnatish to‘g‘risidagi Qo‘shma kommyunikeni imzoladi, deb xabar bermoqda “Dunyo” AA muxbiri.
Tomonlar xalqaro tashkilotlar, jumladan, BMT va uning ixtisoslashgan muassasalari doirasida hamkorlikni mustahkamlashdan manfaatdor ekanini bildirdi.
Ikki tomonlama aloqalarning o‘zaro manfaatli yo‘nalishlarini topish bo‘yicha hamkorlikni faollashtirishga kelishib olindi.
G‘arbiy Afrika davlati bo‘lgan Gvineya-Bisau Respublikasi O‘zbekiston diplomatik aloqalar o‘rnatgan 168-mamlakatga aylandi.
Eslatib o‘tamiz, 2026-yil 19-aprel kuni Antaliya shahrida O‘zbekiston va Ruanda tashqi ishlar vazirlari Baxtiyor Saidov va Olivye Nduxungirexe diplomatik aloqalar o‘rnatish to‘g‘risidagi Qo‘shma kommyunikeni imzolagan edi.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Xorazm va Hatay ishbilarmonlari hamkorlikni kengaytirish bo‘yicha kelishuvga erishdi
Londonda O‘zbekistonning IT salohiyati va investitsiya imkoniyatlari muhokama qilindi
