ТОШКЕНТ, 19 июнь. /"Дунё" АА/. Бугун Вьетнамнинг Вунгтау шаҳрида спорт курашлари бўйича U-17 ва U-23 ёш тоифаларидаги Осиё чемпионати бошланди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, U-23 тоифасидаги "классик" курашчиларнинг чиқиши билан старт олган мусобақанинг илк кунидаёқ, Ўзбекистон терма жамоаси 2 та олтин, 1 та кумуш ва 1 та бронза медалларига сазовор бўлди.

Жумладан, -72 кг вазнда Абдулла Алиев, - 82 кг вазнда Самандар Бобоназаров олтин, -60 кг вазнда Меҳрож Баҳромов кумуш, -67 кг вазн тоифасида Оғабек Муқимов бронза медалларини терма жамоамиз ҳисобига ёзиб қўйдилар.