АНҚАРА, 1 ноябрь. /"Дунё" АА/. Жорий йилнинг 27 октябрь куни Ўзбекистон делегациясининг Анқарага ташрифи доирасида Туркия Ташқи ишлар вазирлигида учрашув бўлиб ўтди, деб хабар бермоқда "Дунё" АА мухбири.

ТИВ хабар беришича, учрашувда Туркия ташқи ишлар вазири ўринбосари Муса Кулакликай Ўзбекистонни Туркия учун умумий тарих, дин ва маданият билан боғланган биродар мамлакат дея эътироф этди.

Учрашув давомида томонлар сиёсий алоқаларни янада ривожлантириш, савдо-иқтисодий соҳада, маданий-гуманитар йўналишларда ҳамда меҳнат миграцияси соҳасида ўзаро ҳамкорликни кенгайтириш, шу жумладан мунтазам маслаҳатлашувларни йўлга қўйиш муҳимлигини қайд этдилар.

Икки мамлакат ўртасидаги меҳнат миграцияси соҳасидаги ҳамкорлик ўзаро манфаатлилиги ҳамда аниқ ва узоқ муддатли истиқболларга эга эканлиги таъкидланди.