HALAB, 30-may. /“Dunyo” AA/. O‘zbekiston mahsulotlarini Suriya bozoriga yetkazib berish hajmini kengaytirishga bag‘ishlangan onlayn-uchrashuv bo‘lib o‘tdi, deb xabar bermoqda “Dunyo” AA muxbiri.

Muzokaralarda O‘zbekiston Savdo-sanoat palatasi raisi Davron Vahobov, mamlakatimizning Al-Kuvaytdagi elchixonasi vakillari hamda mahalliy va xorijiy tadbirkorlar qatnashdi.

Muhokamada, shuningdek, mayda o‘z ishini boshlagan O‘zbekistonning Halabdagi savdo uyi rahbari, “Kalash Trading Co., Ltd.” kompaniyasi direktori Ahmad Kalash hamda O‘zbekistonning “Premier Electrotech”, “Sam-Ferre”, “Nassar Trading Agro”, “Metsol”, “Solis Oils” va “Technologies of Real Time” kompaniyalari vakillari ishtirok etdi.

Tomonlar Suriya bozorida O‘zbekiston mahsulotlariga bo‘lgan talab, logistika yo‘nalishlari hamda savdo uyi orqali tovarlarni targ‘ib qilish mexanizmlari masalalarini ko‘rib chiqdi.

Uchrashuv yakunida Suriyaga 10 ta yuk mashinasi hajmidagi mahsulotning birinchi turkumini eksport qilish bo‘yicha dastlabki kelishuvga erishildi. Xususan, 4 ta yuk mashinasiga maishiy texnika, yana 4 tasiga yog‘-moy mahsulotlari, qolgan 2 tasiga esa avtomobil ehtiyot qismlari va motor moylari yuklanishi rejalashtirilgan.