Saida Mirziyoyeva: Yurtimizga bo‘lgan ishonchni mustahkamlash, investitsiyaviy jozibadorlikni oshirish yo‘lidagi qat’iy harakatimizni davom ettiramiz
Noyabr 21, 2026. 11:30 • 2 daq
• 31
TOSHKENT, 21-noyabr. /“Dunyo” AA/. S&P Global Ratings” xalqaro agentligi O‘zbekistonning suveren kredit reytingini ko‘tardi, deb xabar bermoqda “Dunyo” AA muxbiri.
“S&P Global Ratings” xalqaro agentligi O‘zbekistonning suveren kredit reytingini “barqaror” prognoz bilan “BB+” darajasiga ko‘tardi, – deb yozdi bugun O‘zbekiston Prezidenti Administratsiyasi rahbari Saida Mirziyoyeva o‘zining telergram-kanalida. – Bu mamlakatimiz tarixida hozirgacha erishilgan eng yuqori ko‘rsatkich, endi “investitsiyaviy” (BBB-) pog‘onaga bir qadam qoldi.
Bu yutuq tizimli iqtisodiy islohotlar, muvozanatli moliya siyosati hamda Prezidentimizning uzoqni ko‘zlagan strategik yondashuvi samarasidir. Ijobiy natijalarimizni taqdim etish borasida ishchi guruhimizning tezkor va ochiq tahliliy muloqotlari “S&P” tomonidan alohida e’tirof etildi.
Yurtimizga bo‘lgan ishonchni mustahkamlash, investitsiyaviy jozibadorlikni oshirish yo‘lidagi qat’iy harakatimizni davom ettiramiz”.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi