TOKIO, 10-iyun. /“Dunyo” AA/. O‘zbekiston elchixonasi tomonidan Yaponiyaning Keyo universitetida ikki mamlakat hamkorligiga bag‘ishlangan ma’ruza tashkil etildi, deb xabar bermoqda “Dunyo” AA muxbiri.

Tadbirda universitet professor-o‘qituvchilari va talabalari ishtirok etdi.

Ma’ruza davomida qatnashchilarga Yangi O‘zbekistonda amalga oshirilayotgan islohotlar, mamlakatimizning iqtisodiy va sarmoyaviy salohiyati, raqamli transformatsiya jarayonlari, ta’lim sohasidagi o‘zgarishlar hamda respublikamizning xalqaro maydondagi o‘rni haqida ma’lumot berildi.

Shuningdek, O‘zbekiston va Yaponiya o‘rtasidagi kengaytirilgan strategik sheriklikning bugungi holati va istiqbollari, savdo-iqtisodiy, ta’lim, innovatsiya va yuqori texnologiyalar sohalaridagi hamkorlik masalalari muhokama qilindi.

Tadbir yakunida Keyo universiteti professor-o‘qituvchi 

va talabalarining joriy yil davomida O‘zbekistonga o‘quv-tanishuv safarini tashkil etishga kelishib olindi.